اوتوبيس الهيئه يا معلم... كرسي المحطه بيتكلم!!
وبيقولك تعالا قوام.... أحسن من النـــــاس بتـألم
شوف ده قاعد من الساعه كام؟؟ مستني سيادتك ومبلم!!
***
صواميلي فكت وانهرت.. وحديدي خلااااص بقى مشلتت
ملامحي راحت واتشلفطت.. من قاعدة الناس واتمحت
ياسيدنا قوم... حرام ياست.. ساعات الانتظــار طـــالت..
يقولو خلاص..خلاص هـــانت... ولا بتهون... ولا بتيجي...
ولا بترحم في يوم حالي.... وحال من صبروا فوق صبري..
سيـــادتك حتى لو جيت.. شمـــالك تـاخد وتعدّي..ولا تهدّي
ولا بترحم في يوم تعبّي.. وتعب من قطملي ضهري!!!
***
سيـــادتك فلكلور عصري؟؟!! وللا من رابع المستحيلات؟؟!!
علمت الصبر للمصري.... والجري وراك وبالمسافات!!!
خلتني نطقت!! كلــــمني... ومتقوليش انسى اللي فات!!
***
ريم أحمد