تفتكروا ليه سمينا الكوسه "كوسه" يوووووووووه....... أقصد سمينا الواسطه "كوسه"، ما هو ذنب ذلك الخضار المسكين عشان نجعل من اسمه رمز للواسطه والمحسوبيه؟؟؟؟؟؟!!!
احنا أسفين يا كوسه..... على فكره عن نفسي أنا بحب الكوسه جدااااااااااااااااااااااااااااااااا
لاااااااااااااااااا متفهمونيش غلط أنا بحب الكوسه الخضار الحلو ده..... ممممممممممم ياسلام عليها وهي محشي، وللا وهي مطبوخه مع الجزر والبطاطس..... ممممممم... يااااااااااااااعينيييييييي
نرجع مرجوعنا بقى وبمناسبة الطبيخ.... فيه ناس بتقول اننا سمينا الواسطه كوسه عشان الكوسه بتتطبخ.. والواسطه بتطبخ المواضيع الصعبه بسهوله!!!!!
بس بردو اشمعنى الكوسه؟؟؟؟ مهي الفاصوليا بتتطبخ... والباميه بتتطبخ... والسبانخ.... والبطاطس.... و..و... كتير قوي حاجات بتطبخ.... اشمعنى الكوسه يعني؟؟؟
الموضوع ده حيرني مؤخرا... ونفسي ألاقيله اجابه!!! فقعدت أسأل الناس..... وكانت الردود طريفه وعجيبه..
سألت كتيييييييييييير قالو منعرفش؟؟
وأختي الصغيره قالت عشان الكوسه سهلة الأكل زي ما الواسطه بتسهل كل حاجه
وأختي الكبيره قالتلي عشان الكوسه بيخرخموها من النص!!!!!
وناس قالتلي عشان القرع كبييييييييييييييييييييير!!!!!
وناس قالت: "يمكن عشان احنا مش فالحين غير في الكلام فقولنا اي حاجه في اي حاجه"
وبعد طول تفكير... بصيت للكوسه كده وقلت...... ميمكن عشان الكوسه ليها طربوش في أولها واللي بيمثل السلطه اللي هي طبعا بتستخدم أوقات استخدام خاطئ لتكون الواسطه اللي بتسهل مواضيع صعبه.... والله أعلم
ويبقى سر تسمية الكوسه (أقصد الواسطه) كوسه سرا غامضا.... وتبقى الكوسه مظلومه... قلبي معاكي يا كوسه
ولكن في حاجه تانيه عايزه أسألها لكم....... هل انت انســـــان بلا كوسه؟؟؟ أم لا؟؟؟
يعني هل في يوم لجأت للواسطه لتنول شئ ليس من حقك؟؟؟؟ أو حتى في اعتقادك انه من حقك؟؟؟
وللا انت انســــان بلااااا كوسه؟؟؟ عمرك ما لجأت لها؟؟ حتى لو جتلك الفرصه؟؟ أو حتى قفلت معاك أما حاولت؟؟
يعني مثلا واحده معرفه..... بردو (وبلاش فضايح... بردو) كانت وهي في الكليه عايزه تاخد تدريب في بنك.... فعندها في البيت قالولها: "يابنتي كل حاجه بالواسطه... احنا هنكلملك جارتنا فلانه"
وبالفعل... كلموا جارتهم فلانه، اللي بدورها جابت مشكوره استمارة تدريب في بنك ما واديتهالهم.. بس قاليتلهم انه لازم البنت تروح بيها الفرع الرئيسي للبنك في الحته الفلانيه... وهناك تطلب مدام علانه وتقولها أنا من طرف فلانه... عشاااااااااااان تمضيلها على الاستماره امضة الكوووووووووووسه
والبنت الراااااافضه للكوسه.... الموضوع ده كان مضايقها جدا... وبعدين بالصدفه الباحته شافت زميله ليها معاها نفس الاستماره لنفس البنك ولكنها هتقدمها في فرع تاني.... فشافت استمارة زميلتها لاقيتها زي بتاعتها تمام ومن غير امضه.... فقالتلها: "هو كده تبقى الاستماره كامله؟؟؟ يعني مش ناقصها حاجه؟؟"
ردت زميلتها: "لأ مش ناقصها حاجه"
فرحت البنت جدا.. وقالت لنفسها: "طالما الورق مش ناقصه حاجه..... أنا مش عايزه الامضه دي في حاجه"
وراحت على فرع البنك علطول اللي هي عايزه تقدم فيه ومن غير ما تروح الفرع الرئيسي عشان تاخد منه امضة مدام علانه ع الورق......
وهناك خدوا من كل المتقدمين للتدريب الاستمارات وقالولهم "استنوا شويه"..... وكانت لحظات الانتظار طويله والبنت عماله تفكر... هياخدوها... مش هياخدوها.... وكان بردو عندها أمل... انها ممكن تتقبل!!!!
وجه موظف قالهم اللي ميسمعش اسمه يروح..... وكانت النتيجه المفجعه ان البنت مسمعتش اسمها وروحت على بيتها تجر أذيال الخيبه.... وتلقت من كل من حولها عبارات اللوم... والشماته أحيانا...
"شفتي عشان مسمعتيش الكلام".... "هو كسل يعني وللا فاكره ايه"... وجارتها فلانه: "مرحتيش لمدام علانه ليه؟؟؟ مش أنا قلتلك!!!"
.........
يا نااااااااااااااااااااس هو ليه الصح بقى غلط والغلط بقى صح؟؟؟؟؟ ليه منبقاش بلا كوسه؟؟؟ ليه؟؟؟
ليه منسيبش الفرص لصاحبها اللي يستحقها... وحتى لو شايفيين اننا اللي نستحقها... يبقى هناخدها من غير كووووووووووووووسه اذا كل الناس رفعت شعار.."انســــان بلا كوسـه"
ومن يتق الله يجعل له مخرجا... واعمل حساب يوم هتقف فيه قدام ربنا...
هتقوله ايه.... "خدتها بالكوسه!!!!"
ملحوظه: رجاء تكتبوا تعليقاتكم...لماذا في رأيكم سمينا الواسطه كوسه؟؟
وياريت كمان (معلش هتعبكوا شويه) تصوتوا هل انت مع الكوسه(الواسطه) أم لا؟؟
انســـــــان بــلا كـوســــــــــه