مجنوووون... جنــــاني لذيذ!!
أحب أعيش... أفرح وأهيص..
وأحب أكون م الدنيــا... حويــط!
تيجيني يمين.... أديها تنطيط..
تيجيني شمــال... أزوغ.. يافكيك!
***
بحب الناس..... وأخاف منهم!!
وبزعل..... لمّا أزعّلهم!!
وأحب العيشه واللمــــــــه..
وبزهق بردو م الزحمـــــه!!
***
بخاف م الليل... وأحب أسهر!!
ولا أحب النهار يقصـــــــــر!!
بحب النوم وسلطــــــــــــانه..
وأحب الفجر وفوقـــــــــانه!!
***
أحب أعيش يومي بيومه..
وأحلم ببكره وقدومـــــه!!
عشقي السفر وترحاله..
ولا أطيق الغربه لو ثانيه!!
***
أحب الدنيا... وأكرها!!
وأعيش بردو في أفراحها!!
وهفرح لما أسيب دارها..
وهشتاق للي نوّرها!!!
***
بحب جناني... وده نَفسي..
وأكره نَفسي.. لو اتغيرت!!
وبتغيّـــــر!!.... وأعيش تاني..
جنوني ده.. من نوع تاني..
جنوني.... قوتــّـي وضعفي..
جنوني ده....... ســـر بقــــــائي!!!
***
ريـــــــم أحمد